Nukissiuutinik atuineq ukiut pingasut kingulliit ingerlaneranni annikilliartuinnavippoq
2014-imi Kalaallit Nunaat 8.481 TJ-mik nukimmik atuisimavoq. 2013-imut atuinermut sanilliullugu 5,5 pct.-mik appariarluni. Nukissiuutinik atuineq ukiut pingasut kingulliit ingerlaneranni annikilliartuinnavippoq, maannalu nukimmik atuineq 2002-mili taamak appasitsigaaq, tamanna pillugu tigartagaq 2 takuuk. Erngup nukinga atorlugu nukissiornerup annertusiartuaaginnarnera, ukiuni pingasuni nukissiuutit atornerata appariartuinnarneranut pissutaavoq. Erngup nukinganik atuinerulernerup, gasuulia atorlugu innaallagissiornerup aamma kiassarnerup annikillisinneqarnera, kingunerimmagu. Kalaallit Nunaanni aningaasakilliorneq aamma tamatumunnga tunngaviusut ilagivaat.
Nunap nukimmik atuinera
Utoqqarmiut Kangerluarsunnguanni nukissiorfiup annertunerusumik nukissiulernera pissutaalluni aamma Sisimiuni Ilulissanilu erngup nukinga atorlugu nukissiorfiit atulernerisigut, 2009-miit 2014-imut nukimmik ataavartumik atuineq malunnaatilimmik annertuseriarpoq. 2010-mi 2011-milu malunnartumik nukimmik annertunerusumik atuilerneq, nunarsuup sananeqaatannik kitaani uuliasiorluni qillerinerit, ikummatissanik nunap iluaninngaanneersunik atuinermik pisariaqartitsinerannik peqquteqarpoq.
2014-imi nukimmik ataavartumik atuineq 80 TJ-miit qaffappoq 5,7 pct.-imik qaffariaat assigalugu. Peqatigataanik ikummatissanik nunap iluaningaanneersunik atuineq 578 TJ-mik appariarpoq 7,6 pct.-imik appariaat assigalugu. Imminut pilersorneq 17,4 pct.-imik qaffappoq.
Nukimmik ataavartumik atuineq CO2-mut tunngassuteqanngitsoq uuliamik atuineq gassimik silaannarmik kissattoortitsisussamik pilersitsisarpoq. 2014-imi nukimmik atuinikkut gassimik silaannarmik kissattoortitsisussamik pilersitsineq 520.872 ton-iuvoq. Tamanna 2013-imut sanilliullugu 6,2 pct.-mik minnerulluni.
Saqqummersitaq ”2014-imi Kalaallit Nunaata nukimmik atuinera” pdf-fiilitut Kalaallit Nunaanni Naatsorsueqqissaartarfiup nittartagaatigut www.stat.gl iserfigalugu aaneqarsinnaavoq.
Annertunersusumik paasisaqarnerorusuttut Naatsorsueqqissaartarfiup ittuanut Anders Blaabjerg-imut oqarasuaat (toqaannartoq) 34 57 81-imut sianerlutik saaffiginnissinnaapput.